Zamboanga del Sur – Gisugdan na karong adlawa ang pilot implementation sa face-to-face classes sa 100 ka pampublikong tulonghaan ug 20 ka pribadong eskwelahan sa tibuok nasud.
Ang Zamboanga del Sur adunay 6 ka mga eskwelahan nga napili sa DepEd nga pwede ng mag-F2F classes. Lakip niini ang Manga Elementary ug National High School, Lala Elementary School, Sominot National High School, Tabina Elementary School ug Guipos National High School.
Sa Sominot National High School, malipayong gi-welcome sa mga magtutudlo ang ilang mga estudyante sa Senior High School Department sa ilang TVL -Shielded Metal Arc Welding (SMAW) isip usa sa 8 sa napiling eskwelahan nga magpahigayon og physical classes sa tibuok Zamboanga Peninsula.
Aktibo kaayo ang mga magtutudlo sa pagpahigayon sa new normal class setting dinuyugan sa pagpatuman sa basic health protocols. Nanghinaot sila nga kini mamahimong successful aron posible na usab makahimo ang tanang level of education sa tibuok nasud niini.
(Source: ZDS Press Bureau)
