Nakadawat og 40,000 ka tilapia fry ang mga local fish farmer sa Polanco isip kabahin sa Municipal Inland Fishery Banner Program aron mapalig-on ang produksyon sa pangisdaan ug madugangan ang panginabuhian sa mga mag-uuma sa isda.
Ang maong tabang gipasiugdahan pinaagi sa suporta sa Bureau of Fisheries and Aquatic Resources Region IX human motubag sa hangyo sa Lokal nga Panggamhanan sa Polanco alang sa pagpalambo sa inland fishery sa lungsod.
Gilauman nga makatabang ang pag-apod-apod sa tilapia fry sa pagpadaghan sa produksyon sa isda, pagpalig-on sa lokal nga industriya sa pangisdaan, ug paghatag og dugang kita sa mga benepisyaryong fish farmer.
Sumala sa Lokal nga Panggamhanan sa Polanco, adunay pa’y mosunod nga mga batch sa tilapia fry distribution aron mas daghan pang fish farmer ang makabenepisyo ug mapadayon ang pagpalambo sa sektor sa pangisdaan sa lungsod.(JENIFFER JR. DELICA)
Source: Mayor Ying Uy