Gipalig-on sa Dipolog City Fire Station ang kahibalo ug kahandam sa mga estudyante ug magtutudlo sa Galas National High School pinaagi sa pagpahigayon og Basic Life Support seminar, rescue operation demonstration, ug fire drill.
Gitudloan ang mga partisipante sa hustong pamaagi sa Basic Life Support ug Cardiopulmonary Resuscitation, samtang gipakita usab sa mga bombero ang batakang rescue operations ug ang angayng buhaton panahon sa sunog ug uban pang emerhensiya.
Gipahigayon usab ang fire drill aron mabansay ang hapsay nga paglikas, husto nga pagtubag sa emerhensiya, ug pagtinabangay sa tanang naa sa eskwelahan aron malikayan ang posibleng kadaot panahon sa kalamidad.
Sumala sa Bureau of Fire Protection, kabahin ang maong kalihokan sa padayon nilang paningkamot sa pagpalig-on sa disaster preparedness ug pagpalambo sa kultura sa kaluwasan pinaagi sa edukasyon ug praktikal nga pagbansay.(JENIFFER JR. DELICA)
Source: BFP R9 Dipolog City Fire Station