Pagadian City – Nahimong Abunda ug Malampuson ang Pagsaulog sa dakbayan sa Pagadian sa Pasalamat Festival, Enero 16 2022 dala ang tema: “Uban sa Pangama ni Senor Sto.Nino de Pagadian, Maghiusa kita sa Panaw Padulong sa Paghari sa Ginoo”. Ang maong kasaulogan usa ka tinuig nga selibrasyon isip Pasalamat sa Patron sa syudad nga si Sr.Sto Nino.
Dakong pagpangandam ug panahon ang gigahin alang sa mga nagkalain laing aktibidadis aron mahimong hunsay ug madasigon ang Adlaw sa pasalamat, gani, adlaw sa bespiras pa lamang gipahigayon na ang Fluvial Procession of SEÑOR STO. NIÑO de PAGADIAN January 15, 2022didto sa Wharf Area, Pagadian City diin personal kining gitambungan sa Amahan sa dakbayan nga si Mayor Sammy Co.
Gisiguro sa Pagadian city Coast guard ingon man city PNP ang seguridad sa mga magtatambong sa maong fluvial parade nga nagsugod alas 6 sa buntag nianang adlawa.
Sa hapon, gisaksihan sa Pagadianon ang Ritwal dances gikan sa nagkalain laing brgy. Sa syudad. Mabangawon nga perpormans ang gip akita sa matag magtatampo diin gihulagway niini ang pagsulay sa panginabuhian ug pagsalbar sa Batang Santo pinaagi sa pag ampo aron maangkon ang masaganahon nga ani.
Ang syudad sa Pagadian nakapailawom sa Alert level 3 sugod karong adlawa taman sa Enero 31 ning tuig 2022 busa subling gipatuman ang lokal nga protocol diin kinahanglan nga tanan nga muapil sa mga kalihukan mga bakunado, 50% lamang usab ang seating capacity sa saradong lugar ug 75% sa gawas ingon man ang pagsul.ob ug face mask sa tanang higayon ug ang Physical distancing.
Sa kinatibuk.an, Malampuson ug Mabungahon ang Pagsaulog sa Pasalamat Festival sa Pagadianon karong tuiga.
VIVA! PIT SEÑOR STO. NIÑO de PAGADIAN! VIVA, VIVA, VIVA!
(Photos courtesy of Asenso Pagadian)