Pagadian City – DEAD ON THE SPOT ang usa ka mag-uuma homan kini gi tigbas sa suod nga higala, sa may Purok 5, Barangay Bulanay, Sominot, Zamboanga del Sur kagahapong adlawa. Ang biktima naila nga si Efren Looc y Popera, 50 anyos, minyo ug residente sa Purok-3, Barangay Bulanay Sominot.
Base sa inisyal nga imbestgasyon sa kapulisan sa Sominot MPS sa pagpanguna ni Police Executive Master Sergeant Arnel G Elmidulan nga ga-inom ang suspetsadong naila nga si George Sumulong Gandalon, a.k.a. “Togtog, 42 anyos, minyo usa usab ka mag-uuma og residente sa parehong lugar og ang biktima sa panimalay niini, og sa dihang nahubog na ang duha mipauli ang suspetsado sa iyang panimalay kauban ang biktima, og pagsulod sa duha sa walay hinungdan kalit lang nga gitigbas sa suspetsado ang biktima sa makadaghan nga higayon, gamit ang wala matino nga hinagiban.
Naka-angkon og samad tinigbasan ang biktima sa walang bahin sa dughan og walang bahin sa iyang kiliran, hisayran nga pag-abot sa kapulisan sa lugar hitaboan ila nang naabtan ang biktima nga naligo na sa kaugalingong dugo og wala nay kinabuhi, dugang pa nga wala na usab sa lugar ang suspetsado kon asa dali kining miikyas sa wala masayri nga direksyon.
Homan sa insidente giturn over na ngadto sa pamilya ang patay nga lawas sa biktima, samtang padayun ang gihimong operasyon sa kapulisan aron madakop ang suspetsadong suod nga higala sa biktima, matud pa nga pagdumot ang hinungdan nganong gitapos sa amigo ang kinabuhi sa biktima.