Zamboanga del Sur – Dul-an 400 ka mga mag-uuma gikan sa nagkadaiyang lungsod sa Zamboanga del Sur ang midawat og nagkalain-laing seedlings sa mga high value crop ning milabayng adlaw sa usa ka kalihukan nga gipahigayon sa Maguindanao Hall, Dao Provincial Government Complex, Pagadian City.
Nanguna sa pag-distribute sa mga seedlings sila ZDS Youth Movement President ug Congressional Aspirant Victoria Yu ug Pagadian City Mayoralty Aspirant Atty. Jackie Bana isip representante ni Gov. Victor Yu ug Cong. Divina Grace Yu.
Lakip sa mga giapod-apod ngadto sa mga recepient farmers gikan sa Pagadian City ug mga lungsod sa Segundo Distrito mao ang marcotted calamansi seedlings, dwarf hybrid coconut, cacao, ug kape.
Atol sa maong aktibidad, gipailawom usab sa orientation ang mga mag-uuma kalabot sa teknolohiya sa pagtanom sa mga nasangpit nga klase sa tanom.
Ang pag-apod apod og libreng similya sa high value crops kabahin sa inisyatiba ni Gov. Victor Yu aron mahatagan og sustainable livelihood ug dugang income ang mga katawhang Zambosurian.
(Source: ZDS Press Bureau)
