Zamboanga del Sur – Nahidangat na ang bag-ong mini firetruck karong adlaw nga Myerkules sa may Lungsod sa Molave nga mapahimuslan na unya og makatabang ilabi na kon adunay mahitabong sunog sa maong Lungsod. Matud pa sa Molave Municipal Disaster Risk Reduction Management Office kon MDRRMO head nga si Rocelo Navaro nga ang maong firetruck mukabat sa 2.5 milyones ka pesos og kayang mukarga sa 400 ka galons nga tubig.
Hisayran nga tungod sa paningkamot ni Molave Mayor Cyril Reo A. Glepa ang chairman sa MDRRMO Council og sa LGU Molave napalit niini ang firetruck, dugang pa nga gikan sa LDRRMC ang budget sa pagpalit sa maong behikulo. Gitino ni Navaro nga dako kaayu kini og ikatabang sa mga personahe sa BFP nga maka responde gilayon sa mga nahitabong sunog sa lugar, diin dali usab ang pagsulod niini sa mga Barangay nga gagmay ang dalan.
Gibutyag usab niini nga adunay pay umabutay nga response vehicle nga makatabang usab sa lungsod nga moresponde sa tanan nga klaseng kalamidad nga posibleng mahitao sa lugar. Samtang dako ang pasalamat sa MDRRO Head ngadto sa Mayor sa kanunay nga paghatag og suporta sa mga programa og pagtabang sa ngadto sa mga katawhan nga nagkinahanglan.
(Photos courtesy by Wendel Cabrera)
