Padada, Davao Del Sur niyanig ng magnitude 4.8 na lindol kahapon

Niyanig ng magnitude 4.8 na lindol ang Padada, Davao Del Sur kahapon dakong alas 4:53 ng hapon.

Ayon sa PHIVOLCS, naitala ang naturang pagyanig sa layong sampung kilometro timog-kanluran ng Padada at may lalim rin itong sampung kilometro.

Naitala ang intensity 2 sa Kidapawan City at intensity 5 sa Padada, Davao Del Sur.

Samantala, matatandaang niyanig rin ng magnitude 6.9 na lindol ang Padada nakaraang Linggo ng hapon na dahilan ng pagkasawi ng apat na katao.