Sinco casa el ya man uput mientras seis otros el parcialmente ya destrosa na un incidente de incendio aqui na ciudad, asegun con el Zamboanga City Fire District (ZCFD) del Domingo.
Asegun con Superintendent Christopher Morales, el ZCFD marshal, el incendio ya principia mga alas 3:52 del Domingo (Mayo 12) aga na Paseo de Manga, Barangay Sta. Barbara, en este ciudad.
Asegun con Morales, el fuego ya principia na uno del mga afectao casa y derepente ya man calayat para na mga sercanos caserias.
Si Morales ya habla, con el incendio que ya alcansa na terser alarma, ya puede controla mga alas 4:39 del aga y completamente ya puede apaga mga alas 5:47 del aga.
Asegun con Morales, base na inicial evaluacion, el destroso de propiedad ya alcansa na valor de P900,000 y ta determina pa sila si cosa el origin del quema.
Mientras tanto, ta evalua pa el Oficina de Desarrollo y Bienestar Social del Ciudad para determina si cuanto familiares el ya afecta na incidendio. (B. Garcia)