An Surigao Marathon 2024 an unang kalihokan sa pagsaulog sa ika-123 nga Adlaw nan Surigao. Gipangunahan ini sa City Government of Surigao, iban sa koordinasyon sa Surigao Ultra Runners kaiban an sa City Tourism and Cultural Affairs Office, City Sports and Development Office, Local Youth Development Office, Liga Ng Mga Barangay, ug sa Sangguniang Kabataan.
Mikabat sa kapin kon kuyang 800 ka mga runners sa 42km, 21km, 10km ug 5km ngs category an mipartisipar sa maong marathon nga gipahigayon kagahapong adlawa gikan sa nagka lain-laing lugar nga mga participants.
An mga mipartisipar nag edad ug 7 anyos pataas nga nag sugod nan alas 2:00 sa kadlawon alang sa 42kms nga category, gisundan sa 21 kms nga category pagka 4 sa kadlawon, alas 4:30 para sa 10kms ug alas 5:00 sa buntag para sa mga 5kms nga category.
Sa waya pa mag sugod an race nagpahimangno si Roel Cuizon sa mga runners nga jaoy mga station naka stanby para sa gustong mo inom nan tubig ug magdaya nan headlight gumikan kay jaoy mga brgy. nga mangitngit an lugar.
Sa interview kay Atty. Israel C. Guma an Presidente sa Surigao Ultra Runners nagkanayon nga dako an ija pagpasalamat ngadto sa mga runners human hamok an miapil sa pinaka unang marathon dinhi sa Surigao.
Ni hatag isab nan mensahe si Mayor Pablo Yves L. Dumlao II agig pag suporta sa marathon ug pagpasalamat sa mga orginizers nga diin nagmalampuson kini gipahugayon bisan pa man nakasinati nan mauyan nga panahon. (Mark James Lisondra)