Davao de Oro – Nagpahigayon ang ECLIP (Enhanced Comprehensive Local Integration Program) Committee sa Oplan Pagbabago Program og isa ka meeting kung asa gihisgutan ang mga programa aron mahatagan og oportunidad ang atong kaigsoonang kanhi rebelde nga mibalik na sa sabakan sa balaod.
Gihan-ay sa matag miyembro sa ECLIP Committee ang proseso sa reintegration ug reconciliation sa mga former rebels, lakip na ang paghatag sa ilaha og panginabuhian, ug lain pang tabang aron maka-alalay sa ilahang pagbalik sa ilang tagsa-tagsa ka pamilya ug komunidad.
Ang Davao de Oro usa sa mga nag-unang probinsya sa Davao Region nga anaa’y pinakadaghang natabangang former rebels pinaagi sa hugot nga implementasyon niini sa ECLIP. Gatambayayong ang security sector, PLGU, ug DILG sa paghatag og livelihood assistance sa mga former rebels.
Kini kabahin sa tinguha sa PLGU-Davao de Oro kauban ang DILG, AFP, PNP, mga national government agencies, municipal local government units, ug private sector nga makab-ot ang mahinungdanon ug malahutayong kalinaw sa Davao de Oro. (Provincial Information Office)