Cebu City- Gilusad sa kagamhanan sa dakbayan sa Sugbo ang online processing system para pag-atiman sa application sa travel pass, authority to enter, ug notice of availability of travel.
Pinaagi sa post sa Facebook, ang PIO o Public Information Office sa siyudad miingon nga ang mga aplikante mahimong mopada sa ilang application pinaagi sa e-mail add nga ccg.travelpass@gmail.com, diin i-attach lang ang mga requirements sama sa barangay clearance, medical certificate, ug swab test results.
Ang mga aplikasyon alang sa passes ug permits pinaagi sa barangay wala na kinahanglana nga i-apply online.
Segun pa sa PIO, kadtong mga ming-apply sa barangay ug gipahibawo nga ang barangay na ang mo-process sa tanan, dili na kinahanglang mo-apply online.
Paaboton na lang ang abiso sa barangay nga andam na ang gipangayong mga dokumento.
Gipasabot sa  PIO nga ila kining gihimo aron masayon ang proseso sa aplikasyon ug kalikayan ang taas nga linya.