Gibutyag ni Police Lt. Col. Aldrin Gonzales, ang bag-ong tigpamaba sa Sarangani Provincial Police Office, nga nahimong hapsay ang nagpadayon karon nga SAP payout alang sa mga waitlisted family sa entiro Sarangani Province. Anaa ang team sa kapulisan sa kada munisipyo katugbang ang kasundaluhan nakig-uban sa taga-DSWD ug LGU.
Basi sa Joint Memorandum Circular No. 2 series of 2020, gitahasan ang PNP ug AFP nga ubanan ug pangunayan ang pang-apud apud og Singko Mil ka pesos SAP emergency cash assistance sa matag kwalipikadong benipisyaryo hilabi na ang nanimuyo sa mga lagyong lugar.
Ang dul-an Unom ka Libo (<6K) kabuok mga taga-Sarangani nga benipisyaryo sa SAP waitlisted distribution, ang kabahin sa Lima ka Milyon (5M) ka pamilya sa tibuok Pilipinas nga maka-benipisyo human na-left out o wala matagai sa pirmerong pagpanghatag. Sa gi-promisa na ni Pangulong Rodrigo Duterte, tanang kwalipikado nga kabus nga pamilya ang dapat matagaan tungod dili kini buot nga mamatay sa kagutom ang Pilipino atol niini karong Coronavirus pandemic.
Namahayag na lamang si Provincial Director Samuel Camaganacan nga anaa pud ang iyang buhatan sa DILG Sarangani nakatutok sa monitoring aron hanoy nga mahatag ang cash subsidy sa mga tao.
Bawal mudawat og SAP kadtong nakadawat na og hinabang sa 4Ps, DOLE ug uban pang ahensya sa gobyerno. Sa karon nga pagpanghatag sa mga waitlisted family, gibutyag ni DSWD Regional Director Cezario Joel Espejo nga dili tiaw nga proseso ang ilang gibuhat aron masiguro nga ang ilang matagaan ang sigurado gayud nga kwalipikado pinaagi sa ilang gimugna nga validation, deduplication ug cross matching sa mga pangalan ug listahan.
Kabahin sa COVID-19, nitala og ikaunom (6th) nga recovery ang Sarangani Province kagabii human nga nag-negatibo na sa mga swab test ang baynte-sais (anyos) nga babaeng LSI taga-lungsod sa Malapatan. Gipasalamatan kinig dako ni Governor Steve Chiongbian Solon.
