CAGAYAN DE ORO CITY- Usa ka opisyal sa Department of Health-10 ang mibutyag nga wala pa nila mahatagi sa clearance ang 523 gikan sa 2,925 beds sa community isolation units (CIU) diin gipahimutang sa local governments sa Northern Mindanao aron pagpakgang sa coronavirus infections.
Gisugilon ni Dr. Adriano Suba-an, director sa DOH-10 nga sa usa ka inter-agency Covid-19 task force news conference nga iya nang nacertify ang 2,403 gikan sa 2,728, CIU beds tapos kini nainspection apil na kadtong naconvert ngadto na sa temporary treatment ang monitoring facilities.
Dugang pa ni Dr. Subaan nga 865 sa 911 ka mga beds sa Cagayan de Oro ang nakacomply sa health and safety standards ug kini nahimutang sa CIUs/TTMFs sa syudad nga akreditado sa Philippine Health Insurance Corporation.
Sumala pa ni Subaan nga ang ubang local governments ug ang total number of certified CIU bed mao ang mosunod: Bukidnon (433), Camiguin (97), Lanao del Norte (327), Misamis Occidental (298), Misamis Oriental (329) ug Iligan (53).
Ang ubang isolation beds nga dili complaint sa health and safety standards mao ang 188 sa Misamis Oriental, 85 sa Misamis Occidental ug 7 sa Camiguin.
Aron sa pagqualify alang sa DOH certification ug Philhealth accreditation, ang local government kinahanglan nga mo-comply sa mga guidelines nga gitakda silong sa Joint Administrative Order 2020-2021 sa DOH ug sa Department of Interior and Local Government.
Apil na niini ang mga beds alang sa asymptomatic confirmed Covid-19 patients ug kadtong mga na-expose sa active cases nga kinahanglang managlahi ug well-ventilated rooms nga adunay kaligoanan ug pansayan.
Kinahanglan usab nga ang mga local isolation ug general treatment for Covid-19 adunay suppy sa kuryente ug tubig ug ubos sa pagdumala sa medical team nga gipaepekto ang health and safety protocols ug uban pa.
(Gin B. Serohijos)