CAGAYAN DE ORO- Gumikan sa kalit nga pagdagsa sa daghang mga private vehicles ug sa mga tawo sa merkado, malls ug bisan pa sa mga subdivision, ang mga lokal nga opisyal miiporsar sa mas higpit nga quarantine measures aron mahunong kini nga mga kalihokan.
Si City Mayor Oscar Moreno milagda sa Executive Order No. 062 series of 2020 nga nagrequire sa matag pamilya sa pagkuha sa Barangay Exit pass sa dili pa sila mogawas sa ilang panimalay. Matud ni Mayor Moreno, No Pass, No Travel aron dili magpatuyang paggawas ang mga tawo nga posibleng makasagap sa virus sa bisan asang dapit.
Kini gipatuman tapos namatikdan nga nagpahinayak na ang mga tawo sa pagdagsa sa merkado ug ubang public places nga dili na gani mosunod sa public distancing measures. Tungod niini nga talan-awon, maalarma ang mga public officials sa syudad hinungdan nga gipalig-on pa nila ang mga lakang pagpakigbisog batod COVID-19.
Sa pikas bahin, ang mga police ug security guards moabog na usab sa mga joggers ug mga physical fitness buffs nga padayong naghimo sa ilang kalihokan sa usa ka lugar dinhi sa CDO.
