CAGAYAN DE ORO- Usa ka opisyal sa Provincial Government sa Misamis Oriental ang miklaro nga ang travel/road pass nga girequire sa quarantine control points sulod sa probinsya nga adunay validity sa pito ka adlaw aron padayon gayod nga mamonitor ang health condition nga mosulod s MisOr. Matud pa ni Atty. Jeffrey Saclot, spokesperson sa MisOr Provincial Task Force against Covid-19 nga ang city o town health officers mahimong mohatag sa pito ka adlaw nga validity sa travel pass nga pwede nga marenew. Apan gitin-aw nga kini nga pass, libre.
Si Gobernador Bambi Emano mi-extend sa pagpatuman sa general community quarantine kutob Abril 30 ug impaimporsar sa strikto nga pagpatuman sa home quarantine and travel pass sa probinsya aron kapugngan ang pagkuyanap sa makalilisang nga sakit.
Hinuon, matud pa ni Atty. Saclot nga exempted sa travel pass compliance ang mga medical doctors apan ang mga hospital workers pagahatagan sa prayoridad sa pagkuha sa maong travel pass gikan sa mga health workers.
Apan ang mga residente sa MisOr nga mogawas sa utlanan niini alang sa mga otorisadong kalihokan sa Bukidnon, Agusan ug Iligan City kinahanglan nga mahibalik sila sud sa lima ka oras aron dili sila marecord isip PUMs.
