NDRRMC handa sa anumang kalamidad sa pagdaraos ng 30th SEA games

Handa ang pamahalaan sa anumang uri ng kalamidad na gawa ng kalikasan na posibleng tumama sa bansa sa kasagsagan ng 30th Southeast Asian (SEA) games.

Ayon kay National Disaster Risk Reduction and Management Council (NDRRMC) spokesman Mark Timbal, all-systems-go na rin ang kanilang hanay, at sapat ang bilang ng kanilang mga tauhan, kagamitan at sasakyan sakaling magkaroon ng kalamidad sa gitna ng palaro.

Kasabay nito, tiniyak din ni Timbal na ligtas gamitin ang mga sports venue kahit may ilang pa rito ang hindi pa tapos ilang araw bago ang opisyal na pagbubukas ng SEA games sa Nobyembre 30.