Nagkakahalagang P5.8-M na shabu nasabat sa isang buy bust operation sa Navatos City

Aabot sa P5.8-M na halaga ng shabu ang nasamsam ng mga otoridad sa ikinasang buy bust operation sa Navotas City, kagabi.

Batay sa report, nagsanib puwersa ang mga elemento ng Navotas City Police Station at PNP-drug enforcement unit para sa buy bust operation kung saan naaresto ang apat na suspect.

Narekober ng mga otoridad ang isang transparent sachet ng hinihinalang shabu, isang transparent ice bag na naglalaman din ng shabu at ilan pang plastic ng hinihinalang iligal na droga.