Napalaus ti yaman ken ragsak ni Mrs. Norma Lazo Pascual, Municipal Popcom Officer ti ili a Piddig Ilocos, Norte iti pannakaipaay ti Financial Assistance kadagiti Barangay Population Volunteers ti Ilocos Norte.
Imbatadna a dakkel a banag ti napanunutan ni Gob. Matthew Marcos Manotoc a pannakaipaay ti tulong kadagiti maseknan.
Kunana a nupay sangkabassit laeng ti inpaay ti probinsia a tulng ket makaumanayen daytoy a mangpalag-an iti rikna dagiti maseknan nangnangruna ket daytoy ti kaunaan a gundaway nga adda ti maawatda.
Inbunannag ni Pascual nga adda payen dagiti masadsadut a Barangay Population Volunteers a tumultulong nangnangruna it daytoy a panawen ti krisis gapu ta awan a pulos ti naipaay kadagitoy a tulong.
Mangnamnama ti nadakamat a Municipal Popcom Officer a gumaget dagiti maseknan kalpasan nga adda met laengen ti naawatda.
Innayonna nga ikarigatanna nga ilaban ti pannakaipaay kadagitoy ti regular a pannakaipaay ti uray sangkabassit laeng a benepisio gapu ta dakkel ti maitulutulong dagitoy kadgiti barbarangay.