CAGAYAN DE ORO CITY- Gisugilon ni Mayor Oscar Moreno sa syudad sa Cagayan de Oro sa press conference kaganina sa buntag nga ang pagtak-op sa quarantine mag-agad kini sa suporta sa publiko ug sa pwersa sa merkado, matud niya dako kaayog papel diha sa paglibkas sa state of public health emergency mga locked down sa Luzon ug nagpahimutang sa ubang dapit sa nasud sa nakalain-laing level sa kwarantina ang kooperasyon sa publiko sa “stay at home” order ug ang pwersa sa merkado.
Mao kadto ang tubag sa Mayor na sa posibleng lakang sa national government sa pagkuha sa pipila ka mga restrictions sa Luzon-wide quarantine tapos sa April 30 nga extension sa enhanced community quarantine niini.
Sa pangutana kon unsa ang iyong reaction niini nga kalambuan sa epekto niini sa citywide quarantine, si Moreno nag-ingon nga ang iyang executive order walay deadline, mag-agad kini sa rekomendasyon sa Regional Inter Agency Task Force nga diin apil na niini ang Department of Health.
