CAGAYAN DE ORO CITY- Adunay moabot walo ngadto sa napulo ka teams ang gimugna sa Cagayan de Oro City Hall sa Cagayan de Oro aron mapalig-on pa ang pagproceso sa mangabot nga residente sa syudad agi sa Macabalan pier, Laguindingan airport ug sa mga bus terminals. Gitudlo ni Mayor Oscar Moreno si kanhi Claveria Mayor ug karon City Agriculture Executive overseer Rocky Calingin nga maoy mamuno sa pagmugna niini nga mga teams.
Gipaningkamotan karon sa syudad nga adunay improvement ang ilang pagdawat sa mga pasahero, pagpahigayon sa health risk assessment ngadto kanila apil na ang pagpatransfer sa quarantine facilities, suma pa ni Moreno atol sa press briefing ning syudad.
Pinaagi sa paglevel-up sa ilang pagpanerbisyo, ilang gilantaw nga makunhuran ang inconvenience sa mga pasahero nga gikan sa gawas sa nasud ug sa uban pang bahin sa nasud tapos kini nastranded sa pipila ka bulan gumikan sa travel restriction nga giimposar tungod sa nagpadayon nga Covid-19 pandemic.