Cagayan de Oro City – Gibag-o ni Mayor Oscar Moreno ang iyang pahimango sa mga residente sa Cagayan de Oro sa pagsuporta sa kampanya sa City Hall sa pagpakunhod sa kaso sa COVID-19 sa dakbayan ngadto sa minus lima matag adlaw sa dili pa ang Pasko. Subli nga gisugilon ni Moreno ang nabuhian niyang pulong nga “Dili ta mahadlok apan mabalaka lang” kini nagpasabot, matud sa mayor nga kon dili ta magbantay, kita matakbuyan. Apan kon kita mag amping lang, dili ta mahadlok, mao nga angay gyud nga kita mabalalaka, sumpay pa ni Moreno.
Sa daily case update, si Acting City Health Officer Dr. Lorraine Nery nga gikan niadtong Nobyembre 25, ang Cagayan de Oro nakarecord sa 24 ka bag-ong kaso diin 20 niini ang may kalambigitan sa Karaang Kaso ug upat lamang ang bag-ong kaso.
Kini ang nakapataas sa cumulative total sa Covid-19 cases sa syudad ngadto sa 2,246 diin ang 479 ang aktibo ug ongoing cases. Apan gibutyag ni Dr. Nery nga ang syudad naka record sa 53 ka recoveries niadtong November 25 diin nakapataas sa total cumulative number of recoveries ngadto sa 1,669 gikan sa 2,246 cumulative total sa COVID-19 cases.
Dugtong niini, matud ni Mayor Moreno, buot kab-oton sa syudad ang malahutayon nga pag-ubos sa matag adlaw nga kaso sa Covid-19 ug mapadayon usab ang pagsaka sa recoveries matag adlaw. Dili lamang igo ang usa o duha ka adlaw kon dili sa matag adlaw na nga stado aron nga makalua-luag na sa mga quarantine restrictions sa dili pa ang Pasko, matud sa mayor. (City Information Office-CdeO)
