Itinatago sana kan dakol na mga suportador ni dating Cong. Sal Fortuno kan ika limang distrito an raot nin boot sa pag-anunciar kaini na bako na siya an makandidato sa sunod na election kundi si Gov. Migz Villafuerte pagkatapos kan saiyang termino.
Dai sana nag-gigirong an ibang local na lideres, alagad magkahalong hinanakit asin panhihinayang an saindang namamati.
Sinabi pa kan sarong dating Alcalde, na mas tubod sinda sa pagigin honesto asin humilde kan kongrerista.
Kun sinda sana an papapilion mas maray na si Fortuno an dumalagan mientras na an iba nagsabi na mas maray lugod kun si Villafuerte dumalagan na sanang Alcalde sa Cuidad nin Iriga tanganing patunayan na dai nin imposible sa mga Villafuerte.
Kan nagtalikod na sabado kan ianunciar ni Fortuno an pagbabago sa dalagan nin politika sa Rinconda, na ikinabigla kan dakol na mga lideres.
Naglalaom sinda na magkakaigua pa nin pagbabago mientras na paparani an 2022 local and national election.
