Nakahukom ang BJMP o Bureau of Jail Management & Penology pagsagop sa executive order ni Cebu City Mayor Edgardo Labella pag-test sa tanang mosud ug mogawas nga mga pinireso sa bilanggoan sa nasod.
Sa memorandum nga gipada sa tanang jail warden sa nasod, si BJMP Director Allan Iral mimando sa tanang presohan pag-swab test sa tanang PDL o persons deprived of liberty sa dili pa buhian.
Pinaagi sa paghimo sa ingon, malikayan ang pagtakod sa coronavirus disease o Covid 19 sa jail facilities.
Ang testing magsilbi usang precautionary measure sa mga pasilidad nga nagpabiling luwas sa pandemic.
Matod ni Iral, bisan sa absolute lockdown nga gipatuman sa BJMP sa nasod, nakasud gihapon ang Covid 19 sa mga personnel ug PDL sa pasilidad.
Gani, labing daghan sa natala sa Cebu City Jail sa brgy. Kalunasan diin ang bag-ong nabalhog ang gidudahang nagda sa virus sa pasilidad.
Sanglit obligado man ang BJMP pagdawat sa mga PDL, kinahanglan ang mandatory testing para pagseguro sa safety sa mga binilanggo ug mga sakop sa pasilidad.
