Mga Pamaagi Aron Dili Matakdan Sa COVID-19 Sulod Sa Opisina, Atong Sayron

Mga pamaagi aron dili matakdan sa COVID-19 sulod sa opisina, atong sayron:

1. Mag temperature check ug mag disinfect sa mga kamot ayha mosulod sa opisina.
2. Kanunay nga maghugas sa mga kamot gamit ang sabon ug tubig o hand sanitizer o alcohol nga adunay 70% solution.
3. Magsuot og face mask ug likayan ang paggunit niini.
4. Kung kinahanglan moubo o hatsing himua kini sa sulod nga bahin sa siko nga naay tissue. Ilabay dayon sa basurahan ang ginamit nga tissue.
5. Kanunay nga maglimpyo ug disinfect sa mga kasagaran nga ginagamit ug ginagunitan sa opisina sama sa doorknob, light switch ug imong workstation.
6. Ang mga mabdos ug mga nag edad 60 pataas ug indibidwal nga naay sakit, mamahimong mag work from home na lang.
7. Kanunay sundon ang physical distancing sa mga ka-opisina nga may distansya nga dili mo menus sa 1-2 ka metro.
8. Likayan usab ang mga pagtapok sulod sa opisina sama sa mga meeting, conference, ug uban pang mga dagkong panagtapok.
9. Mas maayo nga mokaon sa imong workstation lamang.

(Source: Butuan City Provincial Information Office)