- Advertisement -
SURIGAO CITY- Miabot sa 580 ka mga indibidwal ang naserbisyohan sa Emergency Response Services (ERS) sa ilang Emergency Medical Service sa bulan sa Abril ning tuiga.
Basi sa Accomplishment Medical Run Report sa maong ahensya, nga anaa sa 305 ka mga kababayen-an ang ilang naserbisyohan samtang 275 ang kalalaken-an, diin padayon pa gihapong nag-una sa talaan, ang;
- Medical runs- nga adunay 397 ka pasyente gikan zero hangtod 17 anyos pataas
●Obstetric cases- adunay 139 ka mga pasyenteng kababayen-an
●CVA/Hypertension- adunay 20 ka pasyente
●Vehicular accident- adunay 18 ka pasyente, ug
●Expired o wala na’y pulso o gininhawa- adunay 6 ka pasyente.
Sa naandan, ang Caraga Regional Hospital pa gihapon ang dali nga hatdan sa mga pasyente samtang sa Health Center adunay 5 lamang, ug aduna usab naitala nga 17 ka indibidwal nga nagdumiling magpahatod sa balay tambalanan. (Jun Prex Salubre | Ronda 6 | RPN DXKS)
- Advertisement -
