Padayong nanawagan ang Philippine Red Cross- Surigao del Norte Chapter sa mga katawhan sa pagdonar ug dugo taliwala sa hulga sa COVID-19 pandemic isip nagdugtong sa kinabuhi ug nag-alagad sa katawhan.
Sumala pa, ang nagkalain-laing blood type ang gikinahanglan sa balay tambalanan alang sa pag-ayo sa mga pasyente.
Giklaro ni Mr. JAYPEE DWIGHT LIM, ang Chapter Service Representative for Health Services sa Philippine Red Cross dinhi sa syudad, nga sa gihapon ang mudunar ug dugo ang ilang irefer ngadto sa Caraga Regional Hospital.
Gidugang niini, nga nahimo kining gikulangon gumikan kay wala pa sila’y license to operate gikan sa Department of Health tungod kay wala pa sila’y na-hire nga Medical Technologist (MedTech).
Apan bisan pa man niini, ang dili kini babag sa ilang padayon nga pagserbisyo.
Alang sa aduna’y gugma sa pagdonar ug dugo, mahimo lang mukuntak sa 826-1347 o sa 09100455793. (Jun Prex Salubre | Ronda 6 | RPN DXKS)