Mga lalahok sa nationwide transport strike sa Lunes binalaan ng DOTR

Binalaan ng Department of Transportation o DOTr ang mga jeepney drivers at operators na lalahok sa nakatakdang transport strike sa Lunes, Setyembre 30.

Ayon kay DOTr Assistant Communications Secretary Goddes Libiran, maaaring makansela ang prangkisa ng mga operators ng mga sasali sa protesta.

Kabilang sa mga inaasahang lalahok sa strike ay ang Alyansa Laban sa PUV Phaseout tulad ng ACTO, PISTON, Stop & Go, at iba pa.

Magugunitang kinansela na ng LTFRB ang prangkisa ng 20 jeepney na kapwa lumahok sa transport strike noong Pebrero.