Cebu City – Gidagsa sa mga bag-ong registrants ang gipahigayong voters’ registration sa Robinsons Galeria Syudad sa Sugbo, Septembre 29, 2021.
Miabot na ug kapin sa 15,000 ang mga bag-ong registrants sa Comelec Cebu City North District sukad sa pag sugod sa voters’ registration sa miaging tuig.
Ang Comelec Cebu City South District sa pikas bahin, padayon pa nga nag collate sa data.
Pero nag expect sila ug high turnout sa bag-ong registrants tungod kay ang south district dunay mas dako ug population kompara sa north district.
Gipahibaw ni Cebu City north district Election Officer, Atty Chauncy Boholst, nga naghuwat pa sila sa kopya sa decision sa Comelec en banc mahitungod sa extension sa voter registration kotob sa Oktubre 31, 2021.
Matod ni Boholst nga ang andam ang Comelec Cebu City pag accommodate sa mga bag-ong registrants atol sa gihatag nga lugway.
Sa kaulohan, gibutyag sa tigpamaba sa Comelec James Jimenez nga ang en banc “unanimously approved” alang sa voters registration extension.
Gilugwayan ang registration gikan sa Oktubre 11 hangtud sa 30, 2021;
Ang pagpang rehistro gikan sa Lunes hangtud sa Biyernes, alas 8 sa buntag hangtud sa alas 5 sa hapon, ug wala sa adlawng Sabado, gawas lang sa katapusang adlaw Oktubre 30.
(News & photo courtesy of Comelec Cebu City)