Cebu City – Giklaro sa duha ka opisyal nga mga sakop sa Bando Osmena Pundok Kauswagan (BOPK) ang ilang pag-attend sa “Abag-Promdi” event niadtong Domingo, Septembre 26, 2021 nga mitambong sila sa ilang personal capacity ug wala magpasabot nga nag endorso ang BOPK sa pagka presidente ni Senador Manny Pacquiao sa Mayo 2022 national elections.
Nasigpatan nga mitambong sa kick off event sa Abag-Promdi uban ni Senador Pacquiao mao sila si Cebu City Councilor Eugene Gabuya Jr. ug Association of Barangay Council president ug ex-officio councilor Franklyn Ong.
“We were there in our personal capacity. Our party’s announcement will be made soon by our founder and party head,” pasabot ni Ong.
Gi-angkon sab ni Ong nga mayoriya sa mga Barangay Kapitan sa Syudad sa Sugbo sa nahisgutang kalihukan.
Lakip sa mitambong si Councilor Lea Japson sa gipahigayong tigom.
Gitambongan ni Senador Emmanuel Pacquiao sa ang maong kalihukan sa Abag-Promdi sa Radisson Blu Hotel, Syudad sa Sugbo.
Si Pacquiao mi deklara na nga modagan sa pagka Presidente sa Mayo 2022 elections ubos sa Partido Demokratiko Pilipino Lakas ng Bayan (PDP-Laban) sa faction ni Senador Aquilino “Koko” Pimentel III.
Si Gabuya sa iyang bahin, mipasabot nga ang ilang presensya atol sa niadtong higayona wala mag represent sa ilang partido, BOPK.
Gi-angkon hinoon ni Gabuya nga ma “happy” kini kon ang ang BOPK leader nga si Tomas Osmena mo endorse ni Pacquiao
pagka presidente. “But that is Mayor Tom’s decision. We did not endorse, but I just informed ahead that I am for Manny Pacquiao,” pagpa tin-aw ni Gabuya ug namahayag nga magpabilin sa BOPK.
Gipahibaw sa konsehal nga ang BOPK slate sa local election andam na, ug duna lang silay gihimong “adjustments” sa dili pa ang formal announcement.
Alang niini nga naa gihapon sa katawhan sa Syudad sa Sugbo ang pagpili ug kinsay botohan alang sa labing maka ayo sa syudad.
(News & photo courtesy of Bando Osmena Pundok Kauswagan via ABC Presidente Franklin Ong | Councilor Eugene Gabuya)