Mas malamig na panahon asahan pa sa mga susunod na araw

Asahan ang mas malamig pang panahon sa mga susunod na araw sa malaking bahagi ng Luzon.

Ayon sa Philippine Atmospheric Geophysical and Astronomical Services Administration o PAGASA, sa kalagitnaan pa ng buwan ng Pebrero mararamdaman ang peak ng amihan o northeast monsoon.

Dahil dito, ipinabatid ng PAGASA na posibleng bumaba pa ang kasalukuyang temperatura sa Baguio City na nasa 9 degrees Celsius ngayon.

Samantala, wala namang namamataang sama ng panahon ang PAGASA sa paligid ng Philippine Area of Responsibility (PAR).

—-