Dimmar-ay dagiti mangibagbagi ken mangidadaulo kadagiti nagduduma a terminal iti gunglo ti Paoay Tricycle Operators and Drivers Association wennu PATODA iti naangay a committee hearing iti opisina ti sangguniang bayan iti ili ti Paoay.
Segun kadagiti dimmar-ay a kameng ti PATODA, kangrunaan iti idaw-dawat da ket ti pannaka-ikkan ti gundaway dagiti padada nga operators ken drivers a mangirenue kadagiti prangkisa da kangrunaan kadagiti naabutan iti pandemia.
Basar met ken Acting Vice Mayor Mark Angelo Domingo ket naala met dagiti takder ti amin nga agpanpanday linteg ket idtoy a naala dagiti suggestions a maamendaran .
Naamwan nga addo pay ngarud ti kurang a dukumentos tapnon iti kasta ket maaprobaran daytoy a gakat.
Innayon ngarud pay ni Hon. Domingo a ti gagem nasao nga amnesty ket matulongan dagiti tricycle operators ken drivers a saan nakapagrenue gapuanan ti pandemia, pannakadalos ti record pakaseknan ti expired franchise ken ti pannaka-allukoy kadagiti operators nga agrenue ket babaen iti daytoy matulongan met iti biyang ti munisipalidad iti babaen kadagiti bayadan dagiti operators no kasta a mapan da agilakad iti renewal papers and documents.
Author: Mary Rose Antonio, RPN – DZRL Correspandent
Source: LGU Paoay, Ilocos Norte