Padagos pa ngunian na naghahalat an opisina ni Cenro Franz Fortuno kan DENR kun igua nin nakomiter na violasyon sa operasyon kan sanitary landfill na makukua sa brgy. Perpetual Help, na inot ng inakusaran kan sagip kalikasan task force na nagkakaigua nin illegal na pag-quarry, kaya puwersahan na kinua an duwang truck asin sarong loader na pagsasadiri kan local na gobierno asin sarong pribadong kontratista.
Sa intrevista kan Radyo Ronda kasu-odma, ipinahayag ni Fortuno na maski sinda an nakakasakop na opisina, alagad mismo an pamayo kan Environmental Management Bureau- sa opisina reyunal an nagkundusir nin inbestigasyon.
Magigirumduman na matapos sana an tension sa pag-ultanan kan SKTF asin mga tauhan kan GSO kan Iriga, tulos na nagkundusir nin inbestigasyon an DENR tanganing maaraman kun siisay an nagsasabi nin tutuo an opisina kan GSO O an sagip kalikasan task force kan kapitolyo probinsyal kan Camsur.
(Melvin Barayoga, RPN DZKI Iriga OIC)
(Source: LGU Iriga)