33 C
Manila
Saturday, April 20, 2024

GIRLIE NANGUSOG MAPALAPDAN KAMPANYA KONTRA SEXUAL HARASSMENT

- Advertisement -

SI konsehal Girlie Balaba, chairman sa komite sa social services, naninguha nga mapatuman sa hingpit dinhi sa dakbayan sa Cagayan de Oro ang Akta Republika 11313 kon Safe Spaces Act.

Sa sesyon sa konseho niadtong Lunes nga gidumala ni bise mayor Kikang Uy, ang konsehal misugyot sa pagmugna og Technical Working Group (TWG) nga tahasan sa pagtuon ug pag-umol sa gikinahanglang ordinansa nunot sa maong balaod nga magdili sa bisan unsang matang sa harassment dinha sa kadalanan ug tanang publikong lugar sa dakbayan.

Niini, gisugyot usab nga mamugna sa matag barangay ang anti sexual harassment desks ug matudlo ang mga enforcers nga magdumala niini.

Gipasabot ni Balaba nga subay sa Memorandum Circular sa DILG, gimandoan ang tanang lokal nga kagamhanan nga mapatuman sa hingpit ang bag-ong napirmahan nga balaod nga nagpalapad sa probisyon sa sexual harassment dinhi sa nasud.

Matod niya nga kini naglangkob dili lang sa verbal, non-verbal ug physical sexual harassments sa mga trabahoan kun dili lakip na sa kadalanan ug tanang publikong lugar.

Dili angayang pasagdan ang mga insidente sa sexual harassment tungod kay nakalapas kini sa dignidad ug katungod sa usa ka tawo, dugang ni Balaba.

Niini, iyang gisugyot nga maglangkob sa maong TWG ang lain laing ahensya sa gobyerno ug mga pribadong sektor sama sa CSWD, Gender and Development Office, Committee on Decorum and Investigation (CODI), RTA, RCB, city legal office ug mga pribadong sektor uban sa giya sa DILG. Alayon niini, si bise mayor Kikang Uy miduso sa maong sugyot ngadto sa komite sa women and family relations ni konsehal Edna Dahino, barangay affairs ni konsehal Alam Lim, public safety ni konsehal Romeo Calizo, edukasyon ni konsehal Suzette Magtajas-Daba ug konsehal Lordan Suan alang sa pagtuon ug rekomendasyon. (SP-CdeO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -