MAG-UUMA NAMIRTHDAY GITIGBAS SA PANDAY
Isa ka mag-uuma biktima sa pagpanigbas kagahapong adlawa Hunyo 16, 2020 sa alas 10:00 ang takna sa gabie didto sa Purok 7, Sitio Putsan, Barangay Mat-i, Surigao City.
Nakilay-an ang biktima nga si Miliano Moldiz Escobal, 36 anyos, may live in partner samtang ang suspetsado nakilay-an nga si Joel Daro ‘alias’ junie, 42 anyos, menyo, isa ka panday parehong residente sa Purok 7, Sitio Putsan, Barangay Mat-i, Surigao City.
Basi sa imbestigasyon ni PSMS Cesar Johans Col Castillo nasayran nga ang biktima sanan ang suspetsado ang parehong mitambong sa isa ka birthday. Niadtong higayona nagkalalis inin suspetsado sanan si Dayday Daro nga miresulta na ija tigbason pero nanginlabot an biktima hinungdan na sija na nuon ang natigbasan nga naigo sa waya sa ija lawas.
Dali tagdaya sa hospital ang biktima para sa pagpatambay samtang ang suspetsado ang dali misibat sa waya masayri nga direksiyon. Isa ka hot pursuit operation ang gihimo sa kapulisan sa pagdakop sa suspetsado nga mag-atubang sa kasong Frustrated Homicide . (Mark James Lisondra, Ronda 21 RPN DXKS)
