RIDER PATAY HUMAN NAGKASUNGAG AN MOTORSIKLO SANAN TRUCK
Patay ang driver sa motorsiklo human nga aksidenting nakasungag niini ang truck kagahapong adlawa Hunyo 16, 2020 didto sa National Highway P-6, Barangay Pungtod, Alegria, Surigao del Norte sa alas 12:30 ang takna sa kaadlawon.
Nakilay-an ang biktima nga si NELSON PARIAN BASIL, 24 anyos, layaki, ulitawo, laborer, residente sa Purok-7 Barangay San Juan, Alegria, Surigao del Norte sakay sa ija gimaneho na motor Red/White Rusi nga may plate no. MS86319.
Nakilay-an usab ang driver sa truck nga si REYNANTE CALOLO LEONOR, 49 anyos, layaki, menyo, driver, residente sa P-Sampaguita, Apokon, Tagum City samtang ang ija gimaneho nga truck Green Mitsubishi Fuso Truck nga may plate no. MDS859.
Basi sa imbestigasyon sa kapulisan nasayran nga ang motorsiklo ang mi-overtake sa laing sakyanan ug didto na nagjagan sa pikas linya ug tungod sa kasuod sa distansiya ang aksidente nakasungag niini ang truck. Naka-angkon nan grabe na mga samad ang driver sa motor ug dali tagdaya sa Kitcharao District Hospital pero gideklara ini na Dead On Arrival sa doctor.
Samtang ang driver lakip na ang duha ka helper nga sila ni MARVIN GLENN R TABINO, 24 anyos, sanan ADRIAN KIM PALINGCOD LICERAS, 21 anyos, parehong ulitawo, residente sa P-14 Andap, New Bataan, Davao De Oro ang jaon sa kustodiya sa Alegria Municipal Police Station. (Mark James Lisondra, Ronda 21 RPN DXKS)