Tiniyak ng Land Transportation Franchising and Regulatory Board (LTFRB) na hindi magkakaroon ng taas-pasahe sa pagbabalik-pasada ng mga pampublikong transportasyon.
Ito ang inihayag ni LTFRB Chairman Martin Delgra matapos na unti-unting payagan ng pamahalaan ang pagbabalik-pasada ng mga pampublikong transportasyon sa bansa.
Ayon pa kay Delgra, milyun-milyong mga commuter ang matagal na hindi nakabalik sa trabaho kung kaya’t mas mainam na hindi na madagdagan pa ang mga pasanin nito pasahe.
Samantala, nakatakdang ipalabas ngayong araw o bukas ang guidelines sa pagbabalik-pasada ng mga tinaguriang ‘hari ng kalsada’ o tradisyunal na jeepneys sa ilang bahagi ng bansa.
Nilinaw naman nito na papayagan lamang nilang mga biyahe ang mga tradisyunal na jeep kung ‘road worthy’ ang mga ito.