LRMC nagtakda na ng pagbabago sa LRT-1 operating hours

Nagtakda ng pagbabago ang pamunuan ng Light Rail Manila Corporation (LRMC) kaugnay sa operating hours ng Light Rail Transit-1 (LRT-1) simula ngayong Lunes, Hulyo 29.

Batay sa anunsyo ng LRMC, mas maaga na ang alis ng last trip ng tren mula Baclaran northbound, aalis ito ganap na 9:30 ng gabi.

Bandang 9:45 ng gabi naman ang alis ang tren mula Roosevelt southbound.

Wala naman magiging pagbabago sa iskedyul ng unang byahe ng mga tren na 4:30 ng madaling araw.

Paliwanang ng LRMC, ang naturang pagbabago sa operating hours ay para bigyan ng daan ang system upgrade ng LRT-1 na inaasahang matatapos sa October 2020.