Gihatagan sa otoridad ug gahum si Governor Roberto Uy sa Sangguniang Panlalawigan alang sa pagpirma sa Memorandum of Agreement (MOA) sa ngalan sa kagamhanang probinsyal sa Zamboanga del Norte tali na ni Mayor Eddie Quimbo sa LGU Labason.
Kini pinaagi sa resolution nga giduso ni Board Member Ruth Brillantes sa tersero distrito kalabot na sa paghatag sa probinsya ug ayudang pinansyal sa kantidad nga ₱ 16,193,685.55 nga ipadapat alang sa pagpalapad sa Labason Municipal Building sa maong lungsod.
Nasayran nga ang Sangguniang Bayan sa lungsod sa Labason mipasar ug resolution kaniadtong bulan sa Hulyo niining tuiga nga naghangyo ni Governor Uy sa maong ayudang pinansyal alang sa maong katuyuan.
Niini, si Governor Uy ang wala nagmakuli sa paghatag sa maong kantidad sanglit ang makabenepisyo niini mao ang katawhan sa lungsod sa Labason. (Provincial Information Center-mbmontederamos)
