Lebel ng tubig sa Angat Dam muli na namang bumaba

Muli na namang bumaba ang lebel ng tubig ng Angat Dam sa nakalipas na 24 oras.

Sa datos ng PAGASA Hydrology Division, kaninang alas 6:00 ng umaga ay naitala ang 161. 28 meters ng tubig sa Angat.

Malayo pa ito sa normal na operating level ng 180 meters para maibalik sa normal na suplay ng tubig ng Metro Manila.

Nabawasan din ang lebel ng Ambuklao, Binga at Caliraya habang nadagdagan naman ang water level ng San Roque, Magat, Ipo at La Mesa Dam.

Wala namang pagbabago sa Pantabangan Dam.