Mikulit ug kasaysayan ang University of Cebu School of Law -Banilad (UCLAW) sa ilang pag host sa Pilot (Mock) Digital Bar Examinations sa Central Visayas karong adlawa, Enero 31, 2021.
Kini ang gibutyag ni UCLAW Dean Atty. Al-Shwaid De Leon Ismael pinaagi sa social media.
“Today, University of Cebu-Banilad will make history as it host the pilot (Mcck) Digital Bar Examinations in the Visayas,” tipik sa mensahi ni Dean Al-Shwaid
Gibutyag ni Dean Al-Shwaid nga ang maong Pilot Digital Bar gi administer sa Supreme Court ug sa Office of the Bar Confidant isip pagpangandam sa digitalized Bar Examinations karong Nomembre 2021.
“That feeling when your professor calls on you to recite in class. But this time, your professor is no less than the Bar Chairperson and an Associate Justice of the Supreme Court,” paambit ni Dean Al-Shwaid sa iyang kasinatian sa maong activity.
Si Supreme Court Associate Justice Marvic Mario Victor F. Leonon, ang 2021/2021 Bar Chairperson mipahigayon mismo ug occular inspection sa UC Banilad niadtong Enero 26, 2021.
“Dance your stress away. Praying for a successful outcome,” pangaleya sa Dean alang sa kalamposan sa maong makasaysayanon nga kalihukan.
Kahinumduman nga ang predecessor ni Dean Ismael sa UCLAW nga si Dean Baldomero Estenzo usa sa mga nagtinguha ug nag-ugmad nga ma regionalized ang pasulit sa Bar ug dili lang adto ipahigayon sa kaulohan nga maoy na naandan sukad pa kaniadto, l via Jhon Tadlip
Source/Photo: Atty Al-Shwaid Ismael,Dean Universtiy of Cebu School of Law