Lamig na nararamdaman sa bansa bahagyang nabawasan

Bahagyang nabawasan ang lamig na nararamdaman ngayon sa Baguio City maging sa iba pang bahagi ng bansa dulot ng hanging Amihan.

Nakapagtala lamang ng 14.8 °C kaninang alas-5 ng madaling araw sa Baguio City.

Mataas ito kumpara sa 13.8°C na naitalang temperatura sa lungsod, kahapon, ika-6 ng Pebrero.

Hanggang 10.6°C ang pinakamababang temperaturang naitala sa Baguio.