- Advertisement -
General Santos City – Mukabat sa 8.25 ka ektaryang pananum sa GenSan ang naapektuhan sa hulaw as of March 27, 2024. Kini ang gikumpirma ni Merlinda Donasco, labaw sa City Agriculture Office GenSan.
Sa 8.5 ka ektarya nga naguba nga pananum, 2 hectares ang totally damage samtang 6.25 hectares ang partially damage. Mukabat usab sa 197,302 ang nahimong danyos niini.
Segun ni City Agriculturist Merlinda Donasco nga ang mga mag-uumang apektado sa pag-igo sa el nino sa dakbayan kadtong mga nagtanum sa ilang mga produkto luyo paman sa pahimangno sa City Agriculture Office nga dili una mutanum tungod sa kainit sa panahon.
Gihingusgan pa ni Donasco nga sila sa City Agriculture Office wala gyud magkulang sa paghatag ug pahimangno o paghatag ug advisory ngadto sa mga mag-uuma nga dili una motanum tungod dili pa planting season ug tungod sa nasinatiang kainit sa panahon.
Nasayran nga subay sa advisory sa city Agri ngadto sa mga mag-uuma dapat matag duha ka cropping papahulayon una ang yuta ayha kini tanuman.
Ang planting season ang magsugod karon pang uwahing semana sa Abril ngadto na sa bulan sa Hunyo, tungod dinhi posibleng adunay mga masinatiang pag-ulan apan aduna gyoy mga mag-uuma nga nagsugal sa pagtanum bisan paman nga dili pa planting season.
Samtang gibutyag pa ni Donasco nga isip tabang ngadto sa mga mag-uuma sa syudad, ang ilang buhatan sa pakig-alayon ni Gensan City Mayor Lorelie Pacquiao ang adunay giandam nga mga binhi ug uban pang farm inputs alang sa mga benipisyaryong mag-uuma ug mga mananagat.
Karong Abril 15 ning kasamtangang tuig, higayon nga mubundak ang ulan, ipang hatag na sa City Agriculture Office ang mga farm inputs ngadto sa mga benepisyaryo, apan kung dili moulan posible nga ila una kining ipostpone ug ipahigayon ang mass distribution higayon nga aduna nay masinatiang mga pag-ulan. (Giovanni Pasco)
- Advertisement -
