Usa ka Basic Incident Command System kon (ICS) ang gipahigayon sa buhatan sa Office of Civil Defense Region IX nga nilundtad ug 3 ka adlaw,ug gisugdan niadtong Abril 3 hangtod Abril 5 ning kasamtangang tuig, didto sa Top Plaza Hotel, ning dakbayan sa Dipolog.
Kini usa ka seminar ug training course,alang sa pagbansay, prinsipyo, nga mga bahin isip programa sa Office of Civil Office nga eksklusibo alang sa tibuok DepEd nga mga partisipante gikan sa mga Probinsya sa Zamboanga Peninsula.
Atol sa maong seminar ang Zamboanga del Norte Provincial Disaster Risk Reduction Management Office pinaagi ni G. Allen Sison, isip resource speaker, migahin ug makapadani nga mensahe sa tanang hazard incident management concepts nga magamit sa tanang response groups.
Ang ICS nitugot sa paggamit sa pagpahiangay sa usa ka hiniusa nga istruktura sa organisasyon alang sa paspas nga pagtubag sa mga panghitabo nga giluwatan niini. (Medalyn U. Borja)
(Source: Provincial Government of Zamboanga del Norte)
