Cagayan de Oro – Agi’g pakigduyog sa atong mga kaigsoonang Muslim dinhi sa Cagayan de Oro sa pagtapos sa usa ka bulan nga pag-obserbar sa Ramadan, moapod-apod og 500 ka libreng bugas kon rice packs ang buhatan ni City Mayor Rolando ‘Klarex’ Uy karong adlaw’ng Miyerkules, Abril 10 diha sa City Tourism Hall.
Kini ang gibutyag ni Mayor Klarex atol sa iyang senemanang programa sa radyo nga ‘Inyong Alagad, Mayor Klarex UY’ niadtong milabay’ng Biyernes.
Ang pag-apod-apod sa libreng bugas maoy pahinungod ug pag-ila sa kagamhanang ning syudad sa local Muslim community human mipaubos sa usa ka bulan nga pagpuasa ang mga Muslim, diin matapos kini karong Miyerkules atol sa kasaulogan sa Eid al-Fitr, ang katapusang adlaw sa Ramadan.
Prayoridad nga makadawat sa maong bugas ang mga sidewalk vendors nga namaligya diha sa pampublikong merkado sa Cogon ug Carmen, sigun pa sa mayor.
News and photo courtesy of CIO CDO
