Davao de Oro – Human na ang ₱ 4.2 Milyones PDEA Davao de Oro Office Building nga gipabuhat sa probinsya diha sa kapitolyo, ug nakauban ni Gov. Jayvee Tyron Uy nga nanguna sa inagurasyon sila si Vice Gov. Maricar Zamora ug si PDEA Region XI Dir. Antonio E Rivera nga maoy opisyal nga midawat sa Symbolic Key panahon sa Turn Over Ceremony.
Lunes (Oktobre 19, 2020) sa buntag nahitabo ang giusang inagurasyon ug Turn-over Ceremony diha sa kapitolyo diin part-1 sa giusang mga kalihokan ang pagpaminaw sa inspiring Messages nila ni Vice Gov. Maricar Zamora, PDEA Region XI Dir. Rivera, ug ni Gov. Tyron Uy nga gihatagan sa Plaque of Appreciation tungod sa dakong suporta sa mga paningkamot sa PDEA nga mapahunong ang mga kalihokan kontra illegal drugs sa Davao de Oro (DdO).
Part 2 sa kalihokan ang Ribbon Cutting and Unveiling of Marker, ang pagbendisyon sa bag-o nahumang gambalay, ang turn-over of the Symbolic Key, ug ang pagpirmahay nila ni Gov. Tyron Uy ug PDEA Region 11 Dir. Rivera sa Deed of Usufruct para sa kapin 603 square meters luna sa yuta sa probinsya nga gitukoran sa “₱ 4.2 Million PDEA Davao de Oro Office Building”.
(Gilbert M. Cabahug, PAO ID Davao de Oro, photo by Dandie A. Dayao)