Davao del Norte – Gipangunahan sa inahan sa lungsod sa Kapalong Mayor Maria Theresa R. Timbol, ang usa ka meeting kalambigitan sa sakit sa baboy nga African Swine Fever (ASF) aron pagahisgutan o mapaabot sa tanang nanag-iya ug mga gagmay ingon man dagkong babuyan sa lungsod ang angayan nga mga buhaton.
Kahinumduman nga sa milabay’ng mga adlaw ang probinsya sa Davao del Norte naabtan na niining maong sakit sa baboy ug sa onse (11) ka mga siyudad/munisipyo niini adunay upat (4) ka mga lugar ang positibong nakasulod na sa mga nagkadaiyang lugar.
Gipaniguro niini, nga pahugtan pa ang pagmonitor alang sa mga nagabaligya ug mga karneng baboy nga nagagikan sa gawas sa lungsod ingon man ang mga nagkadaiyang frozen meat products nga ginabaligya sa mga awtorisadong nagabaligya nga mga tindahan sa lungsod.
Sa pagkakaron ang lungsod sa Kapalong,anaa pa sa color coding light green, pasabot nga luwas pa ang tanang mga babuyan ug awtorisado pang mobaligya sa nagkadaiyang lugar sa nagkadaiyang mga baboy ingon man ang karne niini.
Samtang sa pikas bahin, gikomperma ni Davao del Norte Governor Edwin Jubahib nga gimando na niini ang pag Lockdown sa mga Barangay nga apektado sa African Swine Fever.
(OIC Michael Manguhig, RPN DXKT Davao)