- Advertisement -
Mas lalo pang paiigtingin ng Philippine National Police (PNP) ang kampanya kontra illegal na droga.
Ito ang binigyang diin ng PNP matapos na i-anunsyo ni Pang. Rodrigo Duterte na si PNP Officer-In-Charge Lt. Gen. Archie Gamboa na ang kaniyang itatalaga bilang susunod na hepe ng pambansang pulisya.
Sa isang pahayag, sinabi ng PNP na bukas sa kanila ang naging desisyon ng Pangulo at ipagpapatuloy rin ang internal cleansing sa hanay ng pulisya sa ilalim ng pamumuno ni Gamboa upang maibalik ang tiwala ng publiko sa PNP.
Una rito, inatasan ni Pang. Duterte si Interior and Local Government Sec. Eduardo Año na pangasiwaan muna ang PNP habang wala pa siyang napipiling uupo bilang PNP Chief.
- Advertisement -