Mga residente sa Agoncillo, Batangas pinayagang balikan ang kanilang mga alagang hayop

Pansamantalang pinayagan ng mga otoridad ang mga residente ng bayan ng Agoncillo sa Batangas na makabalik sa kani-kanilang mga tahanan.

Ito ay matapos na pansamantalang alisin ang ipinatupad na lockdown sa Agoncillo upang mabigyan ang mga residente ng pagkakataon na maisalba ang kani-kanilang mga alagang hayop.

Gayunman, tumagal lamang ng apat na oras ang pag-tanggal sa lockdown, at agad naman itong ibinalik ng mga otoridad para na rin sa kapakanan ng mga residente bunsod pa rin nang pag-aalburuto ng Bulkang Taal.