Kabuuang bilang ng mga repatriated na mga Pinoy na umuwi ng bansa mahigit 51,000 na

Mahigit 51,000 na ang mga Pilipinong nakabalik ng bansa.

Ito ayon sa DFA ay simula nang ikasa ang repatriation sa mga Pilipino mula sa mga bansang apektado ng coronavirus disease 2019 (COVID-19) pandemic.

Sa naturang bilang 57. 33% o halos 30,000 overseas Filipino ay sea based habang land based naman ang nasa 42.67% o halos 22,000.

Karamihan sa mga umuwing Pinoy ay mula sa Japan, Norway, Oman, Saudi Arabia, UAE, USA at Vietnam.

Maliban sa mga OFW’s, nakapagpauwi na rin ng mga stranded na Pinoy mula sa iba’t-ibang bansa.

June 12 nang dumating sa bansa ang 30 Pinoy na na-stranded sa India at Sri Lanka sakay ng BRP Davao Del Sur.